Autor: Urs Roethlisberger

Mir sueche Verstärkig

FIIR FOLGENDI REGISCHTER SUECHE MIR NO VERSTÄRKIG:

– Trompete
– Posuune
– Bässli
– Sousaphone
– Pauke

Vorussetzig:
– e Maa muesch syy
– 18 Joor alt oder älter

Hän mir Di Inträsse gweggd, denn mäld Di doch unter
info@wundergugge.com

Liebi Wunderguggefamilie

Wie noch Glück und Leid zämme sinn, hän mir am Sunntig an unserem Fasnachtsbummel erfahre.
S Leid wo aine vo unsere Kamerade droffe hett, s Glück dass schnälli und professionelli Hilf doo gsi isch. Trotz diefer Bedroffeheit hänn mir nit dr Kopf in Sand gschteggt und sinn zämme gschtande um das Ganzi z verarbeite.
Ich bi unglaublig stolz uf Euch, dass Dir derby blybe sin und dä dänggwürdigi Daag zue-me-ne guete und für alli versöönlige Abschluss ko isch.
In dr Hoffnig dass unsere Fründ und Kamerad wieder vollständig uff d Bei kunnt, wünsch ich Euch e sorgefreyi Zyt mit e-me-ne riesige Danggschön.
Im Name vom Bummel-Ok
Hansruedi Stammherr